Tallaal Cusub oo lasoo saaray oo la sheegay in wax ka tari doono noocyada cusub ee coronavirus

0

Tallaalka Moderna ee Covid ayaa u muuqda inuu wax ka tarayo noocyada cusub ee aadka u faafa ee coronavirus, kuwaaso oo laga helay dalalka UK iyo Koofur Afrika, sida ay sheegeen saynisyahannada shirkad dawooyinka soo saarta oo Mareykanka laga leeyahay.

Tijaabooyin sheybaar oo goor hore la sameeyay ayaa muujinaya in difaacayaasha jirka ay aqoonsan karaan lana dagaallami karaan noocyada cusub.

Daraasado badan ayaa loo baahan yahay si loo xaqiijiyo in tallaalku uu sidoo kale noocyada cusub ka difaaci karo dadka aan weli la tallaalin.

Noocyada cusub ayaa si xowli ah ugu faafayay dalal dhowr ah.

Fayrasyada cusub ayaa is beddelayay taas oo ka dhigan inay si fudud u weerari karaan unugyada bani’aamka, si ka ballaaran kii hore.

Khubarrada ayaa aaminsan in laga yaabo in nooca cusub ee bishii September ka dillaacay UK, 70% la isku gudbin karo.

Share.

About Author

Leave A Reply