Taliska Booliska Soomaaliyeed oo war ka soo saaray Qarax ka dhacay Muqdisho

0

Taliska Booliska Soomaaliyeed,ayaa war kasoo saaray Qaraxii Goordhaweyd ka dhacay Koontoroolka Isgoyska Sayidka,ee  laga ilaaliyo madaxtooyada Soomaaliya.

Qoraal kasoo baxay Taliska Booliska Soomaaliyeed,ayaa lagu yiri sidan.

Warsaxaafadeed ka soo baxay Taliska Ciidanka Booliska Soomaaliyeed ayaa lagu sheegay in Gaari argagixisadu ku soo rartay walxaha Qarxa nuuciisuna ahaa NOAH 3 albaab ah uu soo jiiray barta hubinta gaadiidka ee u dhow iskoyska Dabka ee Ciidanka Boliiska, Ciidanka oo rasaaseynaya ayuu soo gaaray barta hubinta gaadiidka ee u dhaw isgoyska Sayidka ee laga hubiyo gaadiidka galaya Madaxtooyada.

Qaraxa ayaa dhacay dadka oo ka feejignaa dhawaqa rasaasta iyo qeylo-dhaanta Ciidanka, kaas oo sababay qasaare dhaawac oo gaaray ilaa 7 qofood iyo burbur hantiyeed oo ah 8 gaadiid ah iyo 9 Mooto Bajaaj, walow aysan jirin wax qasaare dhimasho ah oo dadka ka soo gaaray goobta, marka laga reebo naftii haligihii waday gaariga qarxay.

Ilaahay Mahadii, feegijnaanta Ciidanka ayaa sababtay in dadka laga badbaadiyo qatarta argagixasadu la doonaysay ummadda Soomaaliyeed ee aan waxba galabsan.

Marka laga soo tago warka kasoo baxay Taliska Booliska Soomaaliyeed, ma jirto ilaa iyo hadda cid si rasmi ah u xaqiijin karta Khasaaraha ka dhashay qaraxan.

Kooxda Al-shabaab ayaa sheegatay Mas’uuliyada qaraxa

Share.

About Author

Leave A Reply