Booliska Ruushka oo xiray 200 oo qof oo mucaarad ah oo ka arrinsanyay doorashada

0

Booliiska Ruushka ayaa xirxiray boqolaal ruux oo ku shirsanaa hoteel isla markaan isaga kala yimid dacallada dalkaas, kulanka ayay ugu diyaar garoobayeen doorashooyinka deegaanada ee dalkaas.

Xoghayaha arrimaha dibadda ee Maraykanka, Antony Blinken, ayaa canbaareeyey, xarigga lagula kacay 200 oo qof oo ka mid mucaaradka Ruushka. Qoraal uu ku daabacay bartiisa twitter-ka ayuu ku sheegay inuu ku baaqayo in la soo afjaro gaboodfallada ka dhanka ah dadka sida madaxa bannaanka codadkooda u muujinaya.

Dadka ay booliska xireen ayaa waxaa ka mid ah xubno ka tirsan Mucaaradka oo ku sugnaa hoteelka ay booliska u dhaceen. Booliska ayaa la sheegay inay xireen dhammaan dadkii ku sugnaa halkaasi.

Sida laga soo xigtay booliska, sharciyada fayraska corona ayaa la jabiyay, waxaana munaasabadda isku soo dubariday urur aan loo baahnayn.

Share.

About Author

Leave A Reply